Philsys National ID para sa mga DALAGUETNON opisyal nang gilunsad sa DALAGUETE REGISTRATION CENTER. Gipanguluhan ni nila DALAGUETE Vice Mayor William Lagahid, LCR focal person Marie Fe Zambrano ug Landbank Dalaguete Branch Manager Maria Flordeliza Z. Daymel kauban ang mga kawani sa Philippine Statistics Authority, Landbank of the Philippines ug local nga pamunuan sa Dalaguete,Cebu ang National ID Registration.

Kining Registration nga gisugdan karun mao ang Step 2 sa pagkuha ug National ID. Kahinumdumam nga gihimo na ang STEP 1 o gitawag nga Pre-registration diin ang PSA ENUMERATORS nisuroy sa mga kabalayan arun sa pagkuha ug mga datos. Human sa successful sa pre-registration last year usa ka ARN nga gitawag ug appointment reference number o appointment slip ang ihatag sa mga psa enumerators. Sa maong ARN nakabutang ang PETSA sa Registration.

Tungod sa mga problema o kakulian nga giatubang sa PSA,nasibug ang Registration schedule. Nipagawas ug official nga schedule ang PSA arun mag silbing guide sa mga Dalaguetnon nga naka-pre- registration na laat year. Sila ang unang g-schedulan para sa STEP 2 kay sila man ang nakauna o naka-kompleto sa Step 1 pre-registration.

Una, Sa pag-abot sa Registration Center, hatagan sila sa atong desk officer ug priority number kauban sa health declaration form og ipa-ubos sa pagkuha sa temperatura. Sunod, ipakita ilang appointment slip og ang mga dalang originahal nga mga dokumento arun sa pagsusi sa atong mga screener. Patangtangon ang mga sumusunod: AREYOS, KWENTAS, KALO,FACEMASKS, UG UBAN PANG ACCESORIES. Paghuman maghulat og linya arun makapadayun sa sunod nga proseso.

Ikaduha, kung tawagon na ang numero, kuyugan sa empleyado sa philsys ngadto sa RO 1 Operator. Ihatag sa registration kit operator ang mga dalang origihinal nga dokumento. Iuli ra sad kini pagkahuman kuhaan ka og biometrics ug thumb mark. Kuhaan sad kag iris scanner nganha sa imong mga mata ug pagkahuman sad kay kuhaan kag hulagway. Pagkahuman,hatagan kag TRANSACTION SLIP. Mao kini ang imong ipakita sa pag claim sa atong I.D. Dapat kini atong hipuson ug dili walaon. Adunay itambag ang Reg kit operator kong kanus-a pwede makuha ang ID.

Katapusan, modoul kita sa lamesa sa Landbank of Philippines para sa pag open ug bank account sa kadtong mga kleyente nga walay bank account. Ang mga kwalipikado nga nagparehistro hatagan ug Landbank Mastercard Prepaid Card. Kini nga prepaid card nahimo pinaagi sa pakigtambayayong tali Landbank sa Pilipinas ug sa LAMAC Multi-Purpose Cooperative. Og sa kadtong naa nay bank account pwede na kita mopauli.

Kong usa ka sa mga naka schedule gikan Nov 25-30, mao kini ang inyong dalhon: Appointment slip, valid ID’s, Birth Certificate ug uban pang gi transact pag pre-registration sa tuig 2020. Atngan lang bato ang sunod sa schedule sa PSA. Samtang sa mga wala pa nalista ug naapil sa Step 1 pre- registration, dili maguol kay adunag laing schedule.Maghulat lamang kita sa mga announcement sa PSA. Kitang tanan makakuha ug National ID. Mopahibaw ra ang PSA pinaagi sa Local na  pamahalan sa Dalaguete. Daghang Salamat!