PAHIBALO

SUMALA SA OPISYAL NGA TALAAN SA PAGASA ADUNAY UMAABOT NGA BAGYO NGA GIHINGANLAN UG BAGYONG “SAMUEL” NGA GIBANABANANG MO-AGI SA TUNGA-TUNGANG BAHIN SA KABISAYAAN KARONG UMAABOT NOVEMBER 21, 2018 DIIN MASULOD ANG LUNGSOD SA DALAGUETE SA IYANG GILAPDON.  KINI ADUNAY GIKUSKOGON SA HANGIN NGA 55 KM/H OG HINAROS NGA MUABOT SA 65KM/H.

BUSA GIAWHAG ANG TANAN SA PAGBANTAY UG PAGPANGANDAM SA MAONG UMAABOT NGA BAGYO PINAAGI PAGSUNOD UG PAGTUMAN SA MOSUNOD NGA GISUGYOT NGA MGA LAGDA:

  1. ANG TANANG NAGPUYO DAPLIN SA DAGAT UG SA SAPA GIAWHAG SA PAGKAMABINANTAYON SA POSIBLING KALIT NGA PAGSAKA SA LEVEL SA TUBIG (STORM SURGE, FLOODING).
  2. ANG TANANG MANANAGAT GIAWHAG SA DILI PAGLAYAG O PAGPANGISDA SUGOD KARUNG ADLAWA, NOBYEMBRE 19, 2018 HANGTOD MAHUMAN ANG BAGYO.
  3. GIAWHAG ANG TANAN NGA NAGPUYO SA DAPLIN SA DAGAT ILABI NA GAYUD ANG MGA KABALAYAN NGA GINAMA SA LIGHT MATERIAL SA PAGLIG-ON SA ILANG BALAY PINAAGI SA PAGBUTANG UG MGA TUKOD UG ANG PAGPALIG-ON SA MGA ATOP.
  4. GIAWHAG USAB ANG TANAN SA PAGPANGANDAM SA MGA KINAHANGLANON NGA BUTANG O GAMIT SA PANIMALAY SAMA SA PAGKA-ON, TUBIG, FLASHLIGHT, BATTERIES, SAPOT, TAMBAL, RADYO ALANG SA PAGPAMINAW SA LAKAT SA PANAHON OG UBAN PANG MGA KAGAMITAN NGA KINAHANGLANON PAGTUBAG UG EMERHENSIYA.
  5. GI-AWHAG USAB ANG MGA BARANGAY DISASTER RISK REDUCTION AND MANAGEMENT COMMITTEE SA PAGPANGANDAM UG PAGPAHIBALO SA ILANG MGA TAGA BARANGAY. I-ANDAM NATO ANG ATONG MGA EVACUATION CENTER ALANG SA POSIBLE NGA PAG BAKWIT.