Up to P500,000 worth nga medical assistance lakip sa Atong Amigo Insurance Card ug P3,000 gikan sa AKAP, ang nadawat sa atong 768 Dalaguete Transport Groups didto sa Dalaguete Sports and Cultural Center niadtong Sabado, petsa 21 sa Setyembre.
Gipanguluhan ni Congressman Edsel Galeos ug ni Mayor Ronald “Ronnie” Allan G. Cesante ang pag-apud-apod sa ayuda ug Insurance Card, kauban sa buhatan sa Department of Social Welfare and Development (DSWD).
Kauban sa maong kalihukan, anaa sila Vice Mayor William Lagahid, ang atong membro sa Sanguniang Bayan Konsehal Ernesto “Todidot” Tangpos ug Konsehal Felix Villacorta ug mga Kapitan sa nagkadaiyang mga barangay sa Dalaguete, arun sa pag-apil ug pahimutang ug panghatag sa maong ayuda ug Insurance ID.
Gawas sa medical assistance, nalakip usab sa Insurance Card ang kantidad nga P5,000 , kada tulo (3) ka bulan, para sa atong mga drayber ug habal-habal, tricycle, ug trisikad dugang kaayuhan para sa ilang maintenance nga tambal.
Dakong pasalamat ang mga drayber ngadto sa mga tawo nga nagpaluyo sa maong programa, ilabina kay Congressman Edsel Galeos, Mayor Ronald Allan G. Cesante, DSWD Region VII Director Shalaine Lucero, House Speaker Martin Romualdez, ug sa atong mahal nga Presidente Ferdinand Marcos, Jr. , gumikan sa daku’ng tabang kani sa ilang panginabuhi ug safety ang ilang pagbyahe matag-adlaw.