Menu

SeniangPH

MAHINUNGDANONG PAHIBALO

SUMALA SA OPISYAL NGA TALAAN SA PAGASA ADUNAY UMAABOT NGA MAKUSOG NGA BAGYO NGA GIHINGANLAN UG BAGYONG “SENYANG” NGA GIBANABANANG MOIGO SA TUNGA-TUNGANG KABISAYAAN DIIN NAHILAKIP ANG SUGBO KARONG UMAABOT DISYEMBRE 29, 2014 SA SULOD SA ALAS ONSE SA GABII (11:00 PM) - HANTOD ALAS DOS SA BUNTAG (2:00AM, Dec. 30, 2014).

BUSA GIAWHAG ANG TANAN SA PAGBANTAY UG PAGPANGANDAM SA MAONG UMAABOT NGA BAGYO PINAAGI PAGSUNOD UG PAGTUMAN SA MOSUNOD NGA GISUGYOT NGA MGA LAGDA:

  1. ANG TANANG NAGPUYO DAPLIN SA DAGAT UG SA SAPA GIAWHAG SA PAGKAMABINANTAYON SA POSIBLING PAGSAKA SA LEVEL SA DAGAT/SAPA UG PAGBAHA (FLASHFLOOD).
  2. ANG TANANG MANANAGAT GIAWHAG SA DILI PAGLAYAG O PAGPANGISDA SUGOD SA MAONG PETSA HANGTOD MAHUMAN ANG BAGYO.
  3. GIAWHAG ANG TANAN NGA NAGPUYO SA DAPLIN SA DAGAT ILABI NA GAYUD ANG MGA KABALAYAN NGA GINAMA SA LIGHT MATERIAL SA PAGLIG-ON SA ILANG BALAY PINAAGI SA PAGBUTANG UG MGA TUKOD UG ANG PAGPALIG-ON SA MGA ATOP.
  4. ANG MGA LUMOLUPYO SA MGA LUGAR NGA POSIBLENG MAAPEKTOHAN SA PAGDAHILI SA YUTA GIHANGYO NGA SA KANUNAY NGA MAG-MABINANTAYON.
  5. KUNG GIKINAHANGLAN NGA MOBAKWIT, HIMUON GAYOD SA LABING SAYO UG MADALI NGA PANAHON. MAMAHIMONG MODANGOP SA MGA PARYENTE NGA ADUNAY LIG-ON NGA PANIMALAY O MOADTO SA MGA EVACUATION CENTERS NGA GITAGANA SA LUNGSOD. PAKIG-ALAYON LAMANG SA INYONG MGA OPISYALES SA BARANGAY ALANG SA DUGANG DETALYE.
  6. GIAWHAG USAB ANG TANAN SA PAGPANGANDAM SA MGA KINAHANGLANON NGA BUTANG O GAMIT SA PANIMALAY SAMA SA PAGKA-ON, TUBIG, FLASHLIGHT, BATTERIES, SAPOT, TAMBAL, RADYO ALANG SA PAGPAMINAW SA LAKAT SA PANAHON OG UBAN PANG MGA KAGAMITAN NGA KINAHANGLANON PAGTUBAG UG EMERHENSIYA.

Note: Here is the list of Evacuation Centers.

Business Directory

Go to top